Gazetara komuniko de nia Scienca Komitato pri Antarkta Esplorado (SCAR).
Ĉi-semajne la Scienca Komitato pri Antarkta Esplorado (SCAR) markas ses jardekojn da sukcesa internacia kunlaboro. Ekde ĝia unua renkontiĝo en Hago la 3-5-an de februaro 1958, SCAR kreskigis internacian reton de miloj da sciencistoj kiuj kunhavas komunan ambicion efektivigi antarktan sciencon por la avantaĝo de socio.
Kun membreco reprezentanta la sciencajn komunumojn de 43 landoj, SCAR estas instrumenta en iniciatado, evoluigado kaj kunordigado de altkvalita internacia scienca esplorado en la Antarkto kaj la Suda Oceano. Kiel interfaka komisiono de la Internacia Konsilio por Scienco (ICSU) SCAR disponigas objektivajn kaj sendependajn konsilojn al internaciaj korpoj kiel ekzemple la Antarctic Treaty Consultative Meetings, la Kadra Konvencio de Unuiĝintaj Nacioj pri Klimata Ŝanĝo kaj la Interregistara Panelo pri Klimata Ŝanĝo.
Antarkto kaj la Suda Oceano havas fundamentan rolon en reguligado de procezoj kiel ekzemple klimato kaj karbonsorbado, kaj esplorado en la Antarkto estas decida por kompreni procezojn de tutmonda signifo kaj por progresi scienco. Aldone, rapidaj ŝanĝoj okazas en partoj de Antarkto, kiuj povus malfermi la kontinenton al nova nivelo de agadoj en la venontaj jardekoj. Antarkta regado, administrado kaj mediprotekto devas baziĝi sur sciencaj datumoj.
Ekde 1958, SCAR estis centra en difinado de la vizio kaj celoj de scienco en Antarkto kaj faciligis la efektivigon de antarkta scienco antaŭenigante internaciajn kaj transdisciplinajn kunlaborojn. La zorgaĵo de sciencaj konsiloj, identigo de ŝancoj, kaj la faciligo de kunlaboro estas la kernelementoj de la esenca misio de SCAR.
Prezidanto de SCAR, Steven Chown diris: "En la lastaj 60 jaroj, antarktaj sciencistoj faris mirindajn malkovrojn, kiuj ŝanĝis kiel ni rigardas nian ŝanĝiĝantan mondon. Tiuj eltrovaĵoj influis tutmondajn politikojn malpermesi la uzon de ozon-malplenigantaj kemiaĵoj; protekti Suda Oceanajn ekosistemojn dum administrado de komerca agado; kaj informis internaciajn diskutojn pri klimata ŝanĝo. Neniu nacio povas atingi tion sole kaj SCAR estas fiera pri sia internacia gvida rolo en formado de la antarkta esplortagordo."
Antaŭ sesdek jaroj, la Internacia Gefizika Jaro atentigis la mondon pri la graveco de daŭra internacia antarkta kunlaboro. Hodiaŭ, registaroj ĉirkaŭ la mondo kunlaboras por kontraŭbatali klimatan ŝanĝon kaj adaptiĝi al ĝiaj efikoj. SCAR estas tre bone lokita por informi kaj ebligi interregistarajn iniciatojn trafi novan kurson (en la tutmonda klimata fortostreĉo) per sia daŭra ambicio por kunordigita internacia aliro al antarkta scienco.
Chown aldonis: "Antarkto ŝanĝiĝas rapide. Glacimonto de proksimume 5800 kvadrataj km disrompiĝis de la Larsen C Glacibreto en septembro 2017: preludo al eventuala malapero de la breto. La Pine Island Glaĉero daŭrigis sian rapidan retiriĝon, kune kun tiu de proksimume 80% de la glaĉeroj de la Antarkta Duoninsulo. Fandado de terglacio kontribuas al tutmonda marnivela altiĝo. Antarkto povas kontribui pli ol metron da marnivelo plialtiĝo antaŭ 2100 kaj 13 metrojn antaŭ 2500."
"La areo de antarkta marglacio malpliiĝis je 20% sub la meznombro por 1981-2010 en 2016, kaj restis 10% sub la meznombro en 2017. La ŝeloj de la planktono ĉe la bazo de la nutroĉeno estas en risko pro spiralaj koncentriĝoj de karbondioksido, eble damaĝante Suda Oceanajn manĝretojn. Ĉi tiuj aktualaj, maltrankviligaj observoj faras la internacian esplorkunlaboron de SCAR pli urĝa ol iam ajn, dum ni daŭrigas nian vojaĝon en la Antropocenon."
SCAR moviĝas en sian sepan jardekon kaj multe kreskis en membreco - de 12 originaj membroj en 1958 ĝis 43 nuntempe. Ĝi nun estas bone establita kiel internacie agnoskita kaj influa organizo. Ĉi tio estis nur ebla per la engaĝiĝo kaj subteno de miloj da esploristoj de ĉirkaŭ la mondo kiuj konsistas el la SCAR Antarkta scienca komunumo, kune kun la subteno de la SCAR-membroorganizoj. SCAR invitas ĉiujn festi sian 60-an naskiĝtagon!
SCAR festos sian 60-an jaron ĉe ĝia 35-a Renkontiĝo kaj la Malferma Scienca Konferenco (POLAR2018) en Davos en Svislando de la 15-26 junio 2018.
